Daily City Press Voice of People
وسیم بٹ متفقہ طور پر ہائیڈل برگ پارلیمان کے پہلے مسلم پارلیمانی لیڈر منتخب ہوگئے
وسیم بٹ نے سبھی اراکین کا شکریہ ادا کرتے ہوئے کہا کہ مجھے جو اعزاز دیا گیا ہے اس پر سبھی کا شکر گزار ہوں
منور علی شاہد بیورو چیف جرمنی۔ پاکستان نژاد وسیم بٹ سٹی پارلیمنٹ ہائیڈل برگ میں پہلے مسلمان پارلیمان لیڈر منتخب ہوگئے ہیں
( (HiB/Volt یہ انتخاب چوبیس 24 جولائی 2024 کو نئی پارلیمانی جماعت
میں کیا گیا ہے۔
( Andreas Gottschalk ) اسی طرح ان کے نائب کے طور پر مسٹر آندریاس گوٹشالک
کا انتخاب ہوا ہے۔
( Katharina Born) اس موقع حالیہ نو منتخب رکن ہائیڈل برگ پارلیمان مس کترینا بورن
نے اظہار خیال کرتے ہوئے کہا کہ ہم چاروں پہلی بار بلدیاتی کونسلر منتخب ہوئے ہیں جبکہ وسیم بٹ دس سال بلدیاتی کونسلر کا تجربہ رکھتے ہیں اسی لیے ہم نے ان کو پارلیمان لیڈر منتخب کیا ہے تاکہ ان کے تجربے سے ہم سب سیکھ سکیں ۔انہوں نے مزید کہا کہ ہم اپنے جدید اور سیاسی منصوبوں کو مؤثر طریقے سے نافذ کرنا چاہتے ہیں اور ہماری اولین ترجیح میں سستی رہائش ،ماحول دوست نقل و حمل اور معاشی و سماجی ترقی شامل ہے۔ وسیم بٹ کو متفقہ طور پر پارلیمانی لیڈر منتخب کرنے والے اراکین کا یہ بھی کہنا ہے کہ اس مسلم لیڈر کے انتخاب میں ایک پیغام بھی ہم نے دیا ہے کہ ہائیڈل برگ میں سب کو یکساں مواقع ملنے چاہئیں اور اس انتخاب سے ہم نے اتحاد اور امن کا پیغام بھی دیا ہے ۔ہم نے یہ بتانے اور سمجھانے کی کوشش کی ہے کہ یہاں مذہب ،نظریات، نسل ملک وقوم ، عمر جنس سے قطع نظر سبھی اپنے خوابوں کو پورا کرسکیں ۔ یہاں یہ امر قابلِ ذکر ہے کہ اس وقت جرمنی بھر میں کسی بھی سطح کی سیاست میں کبھی کوئی پارلیمانی لیڈر مسلمان منتخب نہیں ہوا ہے۔ اس موقع پر اظہارِ خیال کرتے ہوئے نو منتخب پاکستان نژاد پہلے مسلمان پارلیمان لیڈر وسیم بٹ نے سبھی اراکین کا شکریہ ادا کرتے ہوئے کہا کہ مجھے جو اعزاز دیا گیا ہے اس پر سبھی کا شکر گزار ہوں ۔یہ انتخاب حقیقت میں دو لاکھ اسی ہزار ووٹوں پر اعتماد ہے جو مجھے اور میری پارٹی کو انتخاب میں ملے تھے۔ اب ہمیں پوری طاقت سے آگے بڑھنا ہے -میں چاہتا ہوں کہ میری اس مدت کے اختتام تک باوجود میری کمزور صحت کے،ہم ہائیڈل برگ میں اپنے مقاصد کا حصول چاہتے ہیں اور اس اس سیاسی انتخاب کے نتائج لوگوں تک پہنچانا چاہتے ہیں ۔
